Scéim Deontais Oidhreachta Pobail 2024

Tá réimse leathan tionscadal incháilithe le haghaidh maoiniú faoin scéim seo, na rudaí seo san áiremah

• Ceardlanna agus imeachtaí oiliúna ina gcuirtear dea-chleachtas oidhreachta chun cinn. Tá spéis ar leith againn in oiliúint scileanna tógála traidisiúnta, in oiliúint scileanna ceardaíochta, in oiliúint i dtaifeadadh reilige agus in oiliúint bithéagsúlachta.
• Forbairt Acmhainní Digiteacha Oidhreachta, lena digitiú, taispeántais ar líne, taifeadtaí stair bhéil, podchraoltaí, agus scannáin. Is gá duit a chinntiú go mbeidh na haschuir dhigiteacha a chruthóidh tú le cistiú deontais ar fáil, ar oscailt agus inrochtana.
• Suirbhéanna, tuarascálacha, pleananna, agus iniúchtaí caomhantais lena gcuirfear bonn eolais faoi bhainistiú foirgneamh agus séadchomharthaí, gnáthóg, bailiúchán nó rudaí amach anseo.
• Oibreacha caomhantais ar fhoirgnimh, ar shéadchomharthaí, ar ghnáthóga, ar bhailiúcháin, nó ar rudaí.
• Saintrealamh a cheannach.

Is é atá i gceist leis an scéim seo pobail agus eagraíochtaí neamhrialtasacha a chumasú leanúint lena gcuid oibre sa réimse seo nó tús a chur le tionscnaimh nua.

Creat ama tionscadail

Ní fhéadfar ach tionscadail ar féidir iad a thosú tar éis dáta tairisceana go luath i mí na Bealtaine agus ar féidir iad a chríochnú roimh an 15 Samhain 2024 a bhreithniú lena gcistiú faoin scéim seo.

Cé a fhéadfaidh iarratas a dhéanamh?

Tá an scéim ar oscailt dóibh seo a leanas:

• Grúpaí deonacha agus pobail, mar shampla comhairlí paróiste, grúpaí bailte slachtmhara, grúpaí gníomhaíochta áitiúla, etc.
• Eagraíochtaí neamhrialtasacha, lena n-áirítear iontaobhais neamhbhrabúis.
• Rannpháirtithe sa Chlár um Chaighdeáin Mhúsaeim in Éirinn (eagraíochtaí neamhrialtasacha amháin)
• Rannpháirtithe sa Chlár maidir le Séadchomhartha a Uchtú.

Treoirdhoiciméad Iarratais

Féach ar/íoslódáil an treoirdhoiciméad iarratais don Scéim Deontais Oidhreachta Pobail thíos.

Conas agus cén uair is féidir iarratas a dhéanamh

Ní mór duit iarratas a dhéanamh trí chóras deontas ar líne na Comhairle Oidhreachta. Ní ghlacaimid ach le foirmeacha a chuirtear isteach ar líne. Ní sholáthraímid foirmeacha páipéir.

Ní ghlacaimid le foirmeacha páipéir ach oiread. Tabhair faoi deara go mbeidh Córas nua Deontas Ar Líne i mbun feidhme don bhliain 2024. Beidh ort Clárú ar dtús sular féidir leat tús a chur le d’iarratas.

Chun d’iarratas a bhreithniú, ní mór dúinn d’iarratas ar líne agus na doiciméid tacaíochta a fháil faoin dáta seo a leanas: 5pm, an 25 Márta 2024.

Ní ghlacfar le hiarratais ná le haon fhaisnéis bhreise tar éis an ama sin. Cuirfimid in iúl duit i scríbhinn cé acu a d’éirigh nó nár éirigh le d’iarratas i mí na Bealtaine 2024.

Iarratas maidir le Teagmháil a Dhéanamh

Agus comhairle ón Rialtas i dtaobh COVID-19 agus treoir maidir le hObair ón mBaile á leanúint againn chomh fada agus is féidir, tá socruithe cianoibre curtha i bhfeidhm againn. Iarraimid, nuair is féidir, gach cumarsáid a dhéanamh linn go leictreonach ionas gur féidir linn iad a fháil agus iad a fhreagairt go pras. mailto:grants@heritagecouncil.ie

Tionscadail Chistithe Cheanna

Sa bhfíseán seo labhraíonn Deirdre Ní Chonghaile faoi Bhailiúchán Béaloidis Árann, grúpa bunaithe ar Inis Mór a fuair maoiniú faoin scéim seo i 2023.