Sraith Chomhairle Cothabhála Úinéirí Tí
Cnuasach bileog ar chothabháil bhunúsach foirgnimh d'Úinéirí Tí, curtha le chéile i gcomhpháirtíocht le SPAB Ireland.
Is acmhainn luachmhar an leabharliosta fairsing seo d’aon taighdeoir nó mac léinn ar chultúr agus oidhreacht chósta agus mhuirí na hÉireann. Tá BiblioMara chomh luachmhar céanna do thionscadail oidhreachta áitiúla i gceantair chósta.
Forléargas
Is leabharliosta cuimsitheach é BiblioMara de staidéir oidhreachta cultúrtha agus muirí ar chrios cósta na hÉireann.
Tá an bunachar sonraí innéacsaithe anótáilte seo bunaithe go príomha ar ábhair a foilsíodh ó 1900 agus is acmhainn luachmhar é d’aon taighdeoir, mac léinn nó grúpa pobail ar spéis leo tuilleadh eolais a fháil faoi oidhreacht chósta agus mhuirí dá gceantar áitiúil agus an oileáin ina iomláine.
Arna choimisiúnú ag an gComhairle Oidhreachta i 2002, chuir an tIonad Acmhainní Cósta agus Mara (CMRC) i gCorcaigh, a d’oibrigh le foireann ildisciplíneach ó Ranna Béaloideas agus Seandálaíochta COC agus Meitheal Mara.
Buntáistí
Cuimsíonn BiblioMara raon leathan agus eisceachtúil ábhar ó fhoinsí acadúla agus neamh acadúla lena n-áirítear foilseacháin áitiúla a dtugann bunachair shonraí oifigiúla neamhaird orthu go minic. Tá tagairtí agus foinsí sa Bhéarla agus sa Ghaeilge araon.
Clúdaíonn BiblioMara raon de théamaí idirdhisciplíneacha agus réimsí ábhair a bhfuil cur síos leathan orthu mar seo a leanas:
- oidhreacht seandálaíochta;
- oidhreacht ailtireachta agus thógtha;
- stair na lonnaíochtaí cósta agus a n-idirghníomhaíocht leis na timpeallachtaí fisiceacha agus sóisialta;
- béaloideas ceirde lena n-áirítear ceardaíocht thraidisiúnta, tógáil agus úsáid bád, iascaireacht, bailiú feamainne agus dobharshaothrú;
- béaloideas agus eitneolaíocht;
- tíreolaíocht stairiúil agus dhaonna lena n-áirítear logainmneacha, turasóireacht, caitheamh aimsire agus bainistíocht chrios an chósta;
- oidhreacht thionsclaíoch;
- oidhreacht liteartha;
- cultúr ábhartha;
- turasóireacht agus loingseoireacht - lena n-áirítear píoráideacht, tithe solais, seirbhísí tarrthála, loingeas, trádáil mhuirí agus stair mhíleata.
