Heritage Horizons: Pathways to the Future
A Heritage Council Conference
Tá an Chomhairle Oidhreachta tiomanta do dhul i ngleic le hathrú aeráide trí thacú le spriocanna aeráide náisiúnta na hÉireann agus trí ghníomhú ar son na haeráide a thabhairt isteach i gcaomhnú oidhreacht nádúrtha, thógtha agus chultúrtha na tíre.
Tá an Chomhairle Oidhreachta tiomanta do dhul i ngleic le hathrú aeráide trí thacú le spriocanna aeráide náisiúnta na hÉireann agus trí ghníomhú ar son na haeráide a thabhairt isteach i gcaomhnú oidhreacht nádúrtha, thógtha agus chultúrtha na tíre.
Creidimid gur uirlis láidir é caomhnú oidhreachta ar mhaithe le gníomhú ar son na haeráide, idir ceirdeanna agus ábhair thógála inbhuanaithe thraidisiúnta a chur chun cinn agus luach gnáthóg, cosúil le bogaigh le tionchair an athraithe aeráide a mhaolú trí charbón a leithlisiú agus a stóráil agus trí theacht aniar a sholáthar i dtaobh déileáil le tuile agus le drochaimsir.
Oibríonn an Chomhairle Oidhreachta ar leibhéal náisiúnta leis an mbonn fianaise a thógáil agus le cabhrú le beartais a fhorbairt i limistéar na hoidhreachta aeráide. Táimid gníomhach freisin ar an leibhéal áitiúil, agus oibrímid lenár gcomhpháirtithe in údaráis áitiúla le gníomh praiticiúil a sholáthar agus le gníomh áitiúil ag na hOifigigh Oidhreachta agus Bhithéagsúlachta údaráis áitiúil a dhéanamh de bheartais náisiúnta.
Freagrachtaí na Comhairle Oidhreachta
Faoin Acht um Ghníomhú Aeráide agus um Fhorbairt Ísealcharbóin (Leasú), 2021, ceanglaítear ar chomhlachtaí, cosúil leis an gComhairle Oidhreachta astaíochtaí gás ceaptha teasa a laghdú faoi 51% faoin mbliain 2030, chun feabhas a chur ar éifeachtúlacht fuinnimh trí chéile agus chun go mbeifear neodrach ó thaobh na haeráide de faoin mbliain 2050.
Tugtar cuntas i dTreochlár um Ghníomhú ar son na hAeráide na Comhairle Oidhreachta ar conas a bhainfimid na spriocanna seo amach. Is féidir leat teacht ar thuairiscí mionsonraithe ar ár ndul chun cinn agus ar chomhlíonadh Shainordú na hEarnála Poiblí ar ár leathanach tiomnaithe Tuairisciú ar Ghníomhú ar son na hAeráide.
An Aeráid agus an Oidhreacht
Glacann an oidhreacht le ról ríthábhachtach i dteacht aniar aeráide. Is féidir linn oiriúnú do thionchair aeráide agus iad a mhaolú trí thírdhreach nádúrtha, foirgnimh thraidisiúnta, agus cleachtais chultúrtha a chaomhnú. Ina theannta sin, laghdaíonn cleachtais inbhuanaithe chaomhnaithe lorg coise comhshaoil agus feabhsaíonn siad an bhithéagsúlacht.
Cruthaíonn athrú aeráide bagairtí suntasacha d’oidhreacht nádúrtha, thógtha agus chultúrtha na hÉireann. Is féidir le níos mó tuile, leibhéil na farraige atá ag dul in airde, agus teagmhais adhaimsire díobháil a dhéanamh d’fhoirgnimh stairiúla, do shuíomhanna seandálaíochta, agus do thírdhreacha. B’fhéidir go bhféadfadh cartlanna, bailiúcháin agus ábhair a úsáidtear i struchtúir oidhreachta dul in olcas mar gheall ar athruithe ar theocht agus ar bhogthaise, agus déanann éiceachórais atá ag athrú difear don bhithéagsúlacht. Ní hamháin go gcuireann na tionchair seo isteach ar iomláine fhisiciúil suíomhanna oidhreachta ach freisin ar na scéalta cultúrtha agus stairiúla a bhaineann leo.
Tacú le Spriocanna Forbartha Inbhuanaithe na NA
Tá dlúthcheangal idir oidhreacht agus inbhuanaitheacht agus iarrachtaí domhanda faoi Spriocanna Forbartha Inbhuanaithe (SDGanna) na Náisiún Aontaithe. Cuireann an Chomhairle Oidhreachta go gníomhach le roinnt príomh-SDGanna trína hobair in oidhreacht nádúrtha, thógtha agus chultúrtha na hÉireann a chaomhnú. Ní hamháin go gcosnaíonn na hiarrachtaí seo an oidhreacht ach tacaíonn siad freisin le cathracha inbhuanaithe, le gníomhú ar son na haeráide, agus le caomhnú na bithéagsúlachta. Lena fhiosrú níos mó conas a thagann caomhnú na hoidhreachta leis na SDGanna, gníomhartha agus comhpháirtíochtaí ar leith san áireamh, tabhair cuairt, le do thoil, ar ár leathanach tiomnaithe.
Is féidir leat níos mó a fhiosrú ar ár dtuairisciú agus ár dtionscnaimh ar na leathanaigh thiomnaithe seo a leanas:
